Polisïau
Cartref > Gwybodaeth > Polisïau
Polisïau Ysgol Nefyn
Amcanion Cyffredinol
Mae Awdurdod Addysg Gwynedd yn gweithredu polisi dwyieithog trwy holl ysgolion Gwynedd.
Yr amcan yw datblygu gallu disgyblion a myfyrwyr y sir i fod yn hyderus ddwyieithog er mwyn eu galluogi i fod yn aelodau cyflawn o'r gymdeithas ddwyieithog y maent yn rhan ohoni.
Dylai holl sefydliadau addysg y sir adlewyrchu ac atgyfnerthu'r polisi iaith yn eu gweinyddiad, eu bywyd cymdeithasol a'u trefn fugeiliol yn ogystal ag yn eu darpariaeth academaidd.
Yn llawn amser ym mis Medi yn dilyn eu pen-blwydd yn bedair oed ac ym mis Medi yn dilyn eu pen-blwydd yn dair oed yn y boreau yn y Dosbarth Meithrin.
Mae’r ysgol hefyd yn derbyn plant o Ysgol Babanod Morfa Nefyn ym Mlwyddyn 4. Byddwn yn sicrhau cyswllt agos gyda Ysgol Morfa Nefyn er mwyn sicrhau bod y trosglwyddiad yma o un ysgol i`r llall yn un naturiol ac esmwyth.
Er mwyn gwneud cais dylid cysylltu gyda adran Mynediad Ysgolion Cyngor Gwynedd:
Ffôn: 01286 679904 neu ebost mynediadysgol@gwynedd.gov.uk / schooladmission@gwynedd.gov.uk
Y mae corff llywodraethol Ysgol Nefyn yn cydnabod pwysigrwydd mabwysiadu polisi cyffuriau er mwyn diogelu pawb yng nghymuned yr ysgol rhag problemau sy`n deillio o`r camddefnydd o gyffuriau, alcohol a thybaco yn ein cymdeithas.
Yn unol â pholisi Awdurdod Addysg Gwynedd, mae Ysgol Gynradd Nefyn yn ystyried bwlio yn fater o gonsyrn a allai effeithio’n uniongyrchol ar holl naws ac ethos yr ysgol.
Nid yw’r ysgol yn goddef bwlio ar unrhyw ffurf ac fe gymerir camau pendant i geisio sicrhau na fydd yr un plentyn dan ein gofal yn gorfod dioddef effeithiau bwlio.
Rydym fel ysgol yn datgan ac yn cydnabod y canlynol -:
• Bod bwlio yn bodoli yn y byd ac y gall fynegi ei hun ar sawl ffurf e.e. corfforol, geiriol,emosiynol.
• Dylid delio gyda unrhyw achos o fwlio cyn gynted â phosibl.
• Mae gennym gamau pendant i’w dilyn.
• Bod ‘dioddefwr’ a ‘bwli’ ym mhob achos. Dylid ymdrin a’r ddwy ochr i’r stori.
Nôd ac amcan Ysgol Nefyn yw cyflwyno addysg gyflawn i bob disgybl er mwyn ei baratoi a hyrwyddo`i ddatblygiad i fod yn unigolyn cytbwys a chanddo feddwl agored.
. Ystyrir fod pob unigolyn yn gyfartal â rhoddir parch i bob un yn ôl ei allu, ei gyrhaeddiad a`i ddawn arbennig.
. Mae gwahaniaethu ar sail rhyw, hil, diwylliant, lliw, dosbarth, iaith, anabledd corfforol neu allu addysgol yn hollol annerbyniol.
. Ceir awyrgylch ble ceir y parch dyledus at gefndiroedd a phrofiadau holl ddisgyblion a staff yr ysgol.
Datganiad
Cydnabyddwn bod ein plant yn tyfu i fyny mewn cymdeithas eang a nodweddirgan wahaniaethau, nid yn unig mewn hil ond crefydd, gwisg, bwyd ac iaith sy`nadlewyrchu`r newidiadau cyfoes hyn.
Anelwn, felly, at adlewyrchu`r gwahaniaethau hyn ac ehangu ar addysg yr hollddisgyblion i`w galluogi i ddeall a gwerthfawrogi natur aml-ddiwylliannol amrywiolgymdeithasau.
Mae`r Corff Llywodraethol, mewn partneriaeth â Chyngor Gwynedd, yn annog arferion da sy’n hyrwyddo cyfle cyfartal yn yr ysgol.
Cyd-gysylltydd Iechyd a Diogelwch yr ysgol hon yw`r Pennaeth.
Mae gan yr ysgol bolisi sy’n sicrhau ein bod yn darparu a chynnal amgylchiadau gwaith diogel ac iach, ynghyd â chyfarpar a systemau gwaith i’r holl ddisgyblion a’r staff (dysgu ac ategol). Hefyd, rydym yn darparu gwybodaeth a hyfforddiant lle bo hynny’n bosibl neu’n angenrheidiol, ac arolygaeth i’r diben hwn. Gellir cael copi o bolisi Iechyd a Diogelwch yr ysgol o’r swyddfa. Caiff asesiadau risg eu cwblhau yn rheolaidd i sicrhau fod yr adeilad, y safle a mannau ymweld yn ddiogel i’r plant, i’r staff ac i ymwelwyr. Er diogelwch, mae gan yr ysgol system teledu cylch cyfyng sy’n canolbwyntio ar y prif fynedfeydd a’r iardiau chwarae
Mae datblygiadau technolegol yn ei gwneud hi'n llawer haws defnyddio lluniau a delweddau mewn print ac ar y we. Yn sgil hyn, daw'r cyfrifoldeb i sicrhau nad yw plant yn cael eu hecsbloetio.
Mae hwn yn faes cymhleth iawn a bwriad y polisi hwn yw cynorthwyo ysgolion i ymdrin â sefyllfaoedd lle mae ffotograffiaeth/ffilmio'n digwydd
Cyhoeddir y polisi hwn i geisio sicrhau na fydd staff yr ysgol, athrawon a chymorthyddion yn rhoi eu hunain mewn sefyllfa lle gallent gael eu herlyn am gamddefnyddio lluniau, osgoi sefyllfaoedd lle mae diogelwch plant yn cael ei roi yn y fantol a'u helpu i lynu at reolau diogelu data.
Mae'r polisi hwn yn gwahaniaethu rhwng tynnu lluniau "preifat", sef lluniau a dynnir gan rieni a theulu agos, lluniau at "ddibenion addysgiadol" o ddigwyddiadau ysgol a gymerir gan yr ysgol, a arddangosir yn yr ysgol a lluniau "cyhoeddus", sef lluniau a fyddai'n cael eu cyhoeddi yn y wasg, mewn cyhoeddiadau, ar wefan yr ysgol ac/neu ar safleoedd rhyngweithio cymdeithasol.
Mae'r term "lluniau" yn cael ei ddefnyddio ar gyfer ffotograffiaeth (ffilm a digidol), fideo a chamerâu ffôn symudol.
Mae cyfryngau cymdeithasol (e.e. Facebook, Twitter, LinkedIn) yn derm cyffredinol am lwyfan ar-lein o unrhyw fath sy’n galluogi pobl i ryngweithio’n uniongyrchol â’i gilydd.
Mae’r ysgol yn cydnabod y buddiannau a’r cyfleoedd niferus a rydd cyfryngau cymdeithasol. Caiff staff, rhieni/gofalwyr a disgyblion/myfyrwyr anogaeth i ganfod ffyrdd creadigol o ddefnyddio cyfryngau cymdeithasol. Fodd bynnag, mae rhai risgiau yn gysylltiedig â defnyddio cyfryngau cymdeithasol, yn arbennig o ran materion diogelu, bwlio ac enw da’r unigolyn. Nod y polisi hwn yw annog defnydd diogel o gyfryngau cymdeithasol gan yr ysgol, ei staff, rhieni, gofalwyr a phlant.
Mae'r Polisi e-Ddiogelwch yn rhan o'r Cynllun Datblygu Ysgol ac mae'n ymwneud â pholisïau eraill gan gynnwys y rhai TGCh, bwlio ac amddiffyn plant. Mae ein Polisi e-Ddiogelwch wedi'i gytuno gan yr uwch dîm ac wedi'i gymeradwyo gan y llywodraethwyr.
Polisi E-ddiogelwch (PDF)
Mae’r weithdrefn yma’n cefnogi Polisi Iechyd Diogelwch Llesiant Cyngor Gwynedd trwy amlinellu trefniadau lleol o fewn yr ysgol er cydymffurfiaeth a deddfwriaeth iechyd a diogelwch. Dylai’r ddogfen felly gael ei darllen ar y cyd a’r Polisi Iechyd, Diogelwch a Lles Corfforaethol ble fo cyfrifoldebau Rheolwyr (sy’n cynnwys Penaethiaid Ysgolion), staff a llywodraethwyr yn cael eu nodi.
Mae’r weithdrefn hon yn benodol ar gyfer yr ysgol, ac yn manylu ar y trefniadau lleol sydd mewn lle o fewn yr ysgol, tra fo’r Polisi Iechyd a Diogelwch yn un corfforaethol e.e. gall fod Pennaeth yr Ysgol wedi dirprwyo rhai tasgau a chyfrifoldebau i eraill o staff yr ysgol. Dylai fod y ddogfen hon ar gael ym mhob ysgol ac wedi ei theilwro yn benodol i adlewyrchu trefniadau’r Ysgol / Uned Addysgol.
Polisi’r ysgol yw fod pob plentyn yn gwisgo gwisg ysgol pan yn mynychu’r ysgol neu pan yn mynychu digwyddiadau ble mae’r plentyn yn cynrychioli’r ysgol y tu allan i oriau arferol yr ysgol.
Seilir y polisi hwn ar y gred fod gwisg ysgol yn:
- hybu ymdeimlad o falchder o’n hysgol
- creu ymdeimlad o fod yn rhan o gymuned sydd yn perthyn i’r ysgol
- ymarferol, taclus a thwt
- gwneud i bod plentyn deimlo’n gyfartal o ran ymddangosiad
- cael i’w ystyried fel dillad addas ar gyfer ysgol ac yn werth da am arian
Mae’r polisi gwisg ysgol yn rhan greiddiol o ymroddiad yr ysgol tuag at cydraddoldeb a chynhwysiad. Mae Corff Llywodraethol yr ysgol yn credu fod gwisg ysgol yn galluogi i holl ddisgyblion yr ysgol rannu ymdeimlad o hunaniaeth gan ddathlu nodweddion sydd yn gyffredin i bawb, gan hefyd barchu amrywiaeth.
Os ydych yn ansicr, yna dylech gysylltu a Swyddfa’r ysgol cyn prynu gwisg.
Polisi Gwisg Ysgol (PDF)
Mae gan bob disgybl yr hawl i deimlo’n hapus, yn ddiogel ac yn gynwysedig, a’r hawl i weithio mewn awyrgylch heb deimlo bygythiad nac ofn. Y mae‘r Ysgol yn cydnabod yr effaith emosiynol y gall bwlio ei gael ar hunan werth a hunan hyder person ac, o ganlyniad, ar ei allu i ddysgu’n effeithiol. Y mae perthynas rhwng cyrhaeddiad addysgol, presenoldeb a bodlondeb emosiynol plant a phobl ifanc yn holl bwysig. Rhoddir cryn bwyslais ar sicrhau bod disgyblion yn teimlo’n ddiogel yn yr ysgol am resymau addysgol yn ogystal â moesol.Bydd cymuned yr ysgol yn hybu awyrgylch gwrth-fwlio. Mae bwlio, o unrhyw fath, yn annerbyniol a bydd unrhyw un sydd yn dioddef bwlio yn derbyn cefnogaeth lawn.
Polisi Gwrth-Fwlio (PDF)
Yn Ysgol Gynradd Nefyn seilir disgyblaeth ar strategaeth ymddygiad sy’n annog agweddau positif tuag at ymddygiad. Sail llwyddiant y polisi yw’r pwyslais ar ganmol a gwobrwyo ymddygiad da. Mae plant yn gwneud penderfyniadau am eu hymddygiad eu hunain yn seiliedig ar reolau, gwobrwyon a chanlyniadau. Mae ymddygiad da yn hanfodol i fywyd ysgol gan ei fod yn caniatáu ac yn hyrwyddo dysgu a pherthynas ryngbersonol lwyddiannus.
Ni ddylai ymddygiad annerbyniol a thorri rheolau disgyblaeth amharu ar hawliau plant eraill i ddysgu a datblygu. Dylai pob aelod o staff, pob disgybl a phob rhiant fod yn ymwybodol, yn rhan ac yn gefnogol i Bolisi Ymddygiad a Disgyblaeth yr Ysgol er mwyn iddo lwyddo. Mae cymorth a chefnogaeth rhieni yn angenrheidiol. Mae cyfrifoldeb gyda holl aelodau’r staff i gynnal y polisi hwn bob amser.
Polisi Ymddygiad (PDF)